វាគឺរឿងដ៏គួរអោយអៀនខ្មាសមួយនៅពេលដែលយ

វាគឺរឿងដ៏គួរអោយអៀនខ្មាសមួយនៅពេលដែលយើងនិយាយដល់ ការមានរដូវរបស់ស្ត្រី ហើយស្រ្តីខ្លួនឯងមួយចំនួន​តែងតែមានបញ្ហា ហើយនិងចង់បានដំបូន្មានខ្លះៗពីអ្នកជំនាញតែមិនហ៊ានសួរទាល់តែសោះថាតើក្នុងអំឡុងពេលនោះមានតំណមអ្វីខ្លះ តែកុំបារម្ភខាងក្រោមនេះគឺជា ដំបូន្មានហើយក៏ជាសកម្មភាពដែលអ្នកមិនត្រូវធ្វើឡើយ ក្នុងអំឡុងពេលមានរដូវ៖

1. ខកខានមិនបានញ៉ាំអាហារក្នុងពេលណាមួយ

ការមិនបានញ៉ាំអាហារក្នុងអំឡុងពេលមានរដូវ វាគឺជាគំនិតដ៏អាក្រក់មួយ អ្នកកំពុងតែបាត់បង់ឈាមខ្លាំង ដូចនេះអ្នកគួរតែញ៉ាំអាហារអោយបានច្រើនតាមការគួរដើម្បីអោយរាងកាយមានថាមពល។ ចូរអ្នកស្រម៉ៃមើលទៅថា តើមានរឿងអ្វីកើតឡើង នៅពេលធ្លាក់ឈាមអស់កម្លាំងហើយ ថែមទាំងមិនបានញ៉ាំបាយទៀតនោះ​។

2. រួមភេទ ឬរួមភេទដោយមិនបានការពារ

នារីដែលមានដៃគូមួយចំនួនធំមិនមានអារម្មណ៏ចង់រួមភេទឡើយ ក្នុងអំឡុងពេលនេះ ព្រោះថានៅក្នុងខ្លួនកំពុងតែមានការឈឺចាប់ខ្លាំង តែបើសិនជាចំពោះអ្នកចង់រួមភេទវិញ គឺត្រូវតែការពារជាដាច់ខាត ដោយអាចប្រើប្រាស់ស្រោមអនាម័យ ដើម្បីអោយប្រាកដថា អ្នកនឹងមានចម្លងរោគអោយគ្នាទៅវិញទៅមកនោះទេ។

3.ការធ្វើការនៅផ្ទះ

នៅក្នុងករណីនេះមិនអាចហាមឃាត់បានឡើយចំពោះការងារដែលចាំបាច់មួយចំនួន តែដូចខាងលើនេះដែរ ក្នុងអំឡុងពេលនោះគឺអ្នកកំពុងតែឈឺពោះ ឬឈឺភ្នែកខាងក្រោយ ហើយបើសិនជាអ្នកចង់ធ្វើការលើកដាក់ធ្ងន់នោះវានឹងធ្វើអោយអ្នកកាន់តែឈឺកាន់តែយ៉ាប់ កាន់តែមិនស្រួលខ្លួនលើសដើម។

4. ទៅធ្វើការពេលមានរដូវ

បើសិនជាអ្នកធ្វើការអោយក្រុមហ៊ុន នោះអ្នកគួរតែសុំច្បាប់ចៅហ្វាយនាយពីរបីថ្ងៃជាការល្អ ហើយនៅផ្ទះត្រូវសម្រាកអោយបានគ្រប់គ្រាន់។ តែបើសិនជាអ្នកមិនអាចសម្រាកបានច្រើនថ្ងៃនោះ ក៏មិនដឹងធ្វើម៉េចដែរ។

5.ក្រចូលគេង

បើសិនជាអ្នកឆាប់ចូលគេងនៅពេលល្ងាចនោះ វាមានសារៈសំខាន់ណាស់សម្រាប់សុខភាព ហើយបើសិនជាអ្នកធ្វើដូចនេះបាននឹងអាចជួយកាត់បន្ថយបញ្ហាដែលប្រឈមមុខក្នុងអំឡុងពេលមានរដូវបាន។ លើសពីនេះទៅទៀតរាងកាយរបស់អ្នកផលិតអរម៉ូនមួយ ដែលគេហៅថា មេឡានីន នៅប៉ុន្មានម៉ោងនៅពេលល្ងាច។ ការរអាក់រអួលនៃការផលិតមេឡានីន នេះអាចបង្កឱ្យមានផលវិបាកដល់យើងបាន។

ខាងក្រោមនេះគឺជាវីធីណែនាំមួយចំនួនទៀត៖

ជៀសវាងផឹកទឹកត្រជាក់ត្រជាក់ ( អាចធ្វើអោយឈាមកកក្នុងជញ្ជាំងស្បូន)
ជៀសវាងការបរិភោគត្រសក់ (សមាសធាតុខ្លះដែលបានរកឃើញនៅក្នុងត្រសក់អាចបណ្តាលឱ្យឈាមរដូវជាប់ក្នុងជញ្ជាំងស្បូន)។
ជៀសវាងអាហារប្រៃនិងជូរមានផ្ទុកបរិមាណខ្ពស់នៃជាតិសូដ្យូម ហើយនិងអាហារដែលមានជាតិកាហ្វេអ៊ីន,​សូកូឡា, ហើយនិងកាហ្វេ ជាដើម៕